Está formado por todas as actividades
que transforman as materias primas en produtos elaborados. As principais
actividades deste sector son:
- A INDUSTRIA: É a actividade principal do
sector secundario. Empezou en Inglaterra no século XVIII coa Revolución
Industrial. Hai tres tipos de industrias:
• INDUSTRIA
DE BASE: Transforma as materias primas en produtos semielaborados que se
utilizan para conseguir outros produtos. Ex. Industria metalúrxica (transforma
minerais en metais), industria química (transforma materias primas en produtos
químicos) e industria petrolífera (transforma o petróleo en gasolina e
plástico).
• INDUSTRIA
DE BENS DE EQUIPO: Transforma os produtos semielaborados noutros produtos
útiles para as industrias. Ex. Industria mecánica (crea maquinaria) e a
industria téxtil (crea tecidos).
• INDUSTRIA
DE USO E CONSUMO: Transforma os produtos semielaborados en produtos para o seu
consumo. Ex. Industria alimentaria (elabora alimentos) e a Industria da
construcción (crea maquinaria para obras).
- A
ARTESANÍA: Antes da Revolución Industrial era a forma de fabricar obxectos e bens. A
súa produción e moi escasa. Diferénciase da fabricación industrial en que
require poucos investimentos e non precisa maquinaria. A súa produtividade é
moi baixa.
- A
CONSTRUCIÓN: Está especializada na realización de edificios e obras de
enxeñería como pontes e estradas.
- A
PRODUCIÓN DE ENERXÍA: Lévase a cabo en:
Centrais hidroeléctricas (crean electricidade a partir da auga), centrais
termoeléctricas (crean electricidade a partir da calor producida pola combustión de petróleo, gas natural ou carbón),
centrais nucleares (crean electricidade a partir de combustibles nucleares como
uranio ou plutonio), parques solares (crean electricidade a partir da enerxía
do sol) e parques eólicos (crean electricidade a partir da enerxía do vento).
Ningún comentario:
Publicar un comentario