Tipos de estrofas

Os tipos de estrofas

As estrofas pódense clasificar en diferentes tipos segundo o seu número de versos, o número de sílabas de cada verso e a rima:

Pareado: dous versos que riman entre si con rima consonante ou asonante. Se os versos son de arte maior, o seu  esquema é AA; se son de arte menor, aa. 

Fomos ficando sós                 a

o mar, o barco e máis nós      a

                  

                   Manuel Antonio, De catro a catro

Terceto: tres versos de arte maior que riman o primeiro co terceiro con rima consonante. O seu esquema é ABA. 

Non pidas palabras. No profundo            A

de min déixame estar, deitado e quedo,   -

deitado como un can ollando o mundo     A

ollando, mentres ti, sobre os restrollos       B

dos meus versos amargos, ves o acedo       -

penar e irte perdendo dos meus ollos         B

                                    Antón Tovar, Arredores

Cuarteto: catro versos endecasílabos (de once sílabas) con rima consonante; riman o primeiro verso co cuarto e o segundo co terceiro. O seu esquema é ABBA. 

Sona o clarín do galo, que vixía         A

o primeiro claro, na capoeira,            B

e o alerta repetido de eira en eira    B

é toque de rebato na campía             A

          

                Ramón Cabanillas, A luzada do día