AS VERTENTES
Unha vertente é un conxunto de terras con ríos que desembocan no mesmo
mar. En España hai tres:
- VERTENTE CANTÁBRICA: Está formada polos ríos que desembocan no mar
Cantábrico. Son ríos curtos, caudalosos e de réxime regular. Os máis
importantes son: Eo, Navia, Nalón, Saja, Nervión e Bidasoa.
- VERTENTE ATLÁNTICA: Está formada polos ríos que desembocan no Océano
Atlántico. É a máis extensa e os ríos son moi diferentes entre si:
Os ríos de Galicia son curtos, caudalosos e de réxime regular.
Os máis longos son o Miño e o seu afluente o Sil.
Os ríos da meseta son longos e de réxime irregular. Os máis
longos son o Douro, o Texo e o Guadiana.
Os ríos de Andalucía excepto o Guadalquivir, son curtos, pouco
caudalosos e de réxime irregular como o Odiel e o Tinto.
VERTENTE MEDITERRÁNEA: Está formada polos ríos que desembocan no mar
Mediterráneo. Excepto o Ebro, son ríos curtos, pouco caudalosos e de réxime
irregular. Os máis importantes son: Llobregat, Ebro, Turia, Xúquer, Segura e
Guadalhorce.
Ningún comentario:
Publicar un comentario