luns, 25 de febreiro de 2019
domingo, 24 de febreiro de 2019
O sector terciario ou de servizos
Está formado por todas as actividades
dedicadas a ofrecer servizos como:
- AS COMUNICACIÓNS: Serven para
transmitir mensaxes a grandes distancias a través do teléfono ou o correo
electrónico. Tamén a prensa, a radio, a televisión e Internet transmiten con
rapidez información sobre o que sucede no mundo.
- O TRANSPORTE: Permite trasladar
persoas, animais e mercadorías. Clasifícanse en terrestres, acuáticos e aéreos.
- A SANIDADE: Comprende todos os
servizos destinados ao coidado da nsoa saúde. Lévase a cabo en hospitais e
ambulatorios.
- A EDUCACIÓN: Realízase en centros
educativos onde se imparten coñecementos aos alumnos.
- O COMERCIO: Permítelle aos consumidores
adquirir bens e servizos mediante a súa compra. Pode ser interior (realízase
dentro do propio país) ou exterior (ten lugar entre diferentes países). No
comercio exterior chámase imortación á adquisición de produtos procedentes
doutros países e exportación á venda de produtos nacionais a países
estranxeiros.
- O TURISMO: Proporciona servizos as persoas
que se desprazan a outros lugares normalmente durante o seu tempo de lecer.
Pode ser: * Turismo de sol e praia: Ten lugar en zonas de costa con clima
agradable como a costa mediterránea. * Turismo cultural: Ten como obxectivo
visitar lugares de interese como catedrais, sitios arqueolóxicos ou museos. *
Tursismo rural: Desenvólvese en aldeas onde se pode gozar da natureza e da
paisaxe. Os servizos poden ser públicos (creados e xestionados polas
administración públicas para que todos os cidadanos podan disfrutar deles como
a sanidade e a educación) ou privados (xestionados por empresas privadas co fin
de obter beneficios económicos)
Viva Rosalía
Esta semana, estivemos recordando a vida e obra da nosa
poeta estrela: Rosalía de Castro.
Ela que defendeu o uso do galego na súa vida cotiá e na súa
obra escrita, invítanos a seguir os seus pasos.
Para celebrar o seu aniversario
decidimos coñecela un pouquiño máis, facer un mural cun dos seus poemas.
E para rematar a actividade,recitamos o poema: Tecín soia a miña tea.
Viva Rosalía!!!
Subscribirse a:
Publicacións (Atom)