O baúl de quinto de primaria

xoves, 23 de maio de 2019

Tema 11 Lingua galega

Tema 11 L. Galega
A reportaxe	A reportaxe
Os préstamos e os estranxerismos	Os prestamos e estranxeirismos
Os complementos do verbo	Os complementos do verbo O complemento directo
Os dous puntos e o punto e coma	Os dous puntos e o punto e coma
As características do teatro	As características do teatro

Repasamos
Autoevaluación

Os préstamos e os estranxeirismos

A reportaxe é un xénero xornalístico que permite analizar e ampliar a noticia. Mediante a investigación, explica as circunstancias que a rodean co obxectivo de profundizar en cuestións relativas ao “cando”, “onde”, “como”, “por que”, “quen” ou “que” orixinou esa noticia.

Pode ser simplemente informativa ou combinar información e interpretación; neste último caso inclúe o punto de vista do xornalista.

Na reportaxe as actuacións dos protagonistas deben ser espontáneas, sendo desexable a presenza física do xornalista no lugar dos feitos para a realización de entrevistas ou enquisas.

Pode integrar calquera posibilidade narrativa: texto, imaxes, son ou vídeo.

Estrutura

A reportaxe debe incluír tres apartados:

1. Titular: é a frase ou oración que presenta a información.

2. Entrada ou “lead”: é o parágrafo que resume a esencia da información. Inclúe os datos do autor/a e pode conter declaracións.

3. Corpo: é a explicación da información con máis detalle. Organízase en varios parágrafos e pode empregar todo tipo de material audiovisual complementario (imaxes, vídeos, etc.). Adoita comezar coa presentación e contextualización dos feitos e seguir co relato cronolóxico do seu desenvolvemento, combinando datos esenciais e complementarios. Remata cun parágrafo de resumo e conclusión.

A linguaxe periodística pretende, ante todo, informar. É, polo tanto, funcional. Debe ser clara, obxectiva, precisa e facilmente comprensible para o lector.