A estrofa e a rima

Os poemas ou textos líricos están formados por versos que se agrupan en estrofas. 

Unha estrofa é un conxunto de versos cun mesmo tema, con rima ou sen ela. Cada estrofa vai separada por un espazo. 

Dous ou máis versos riman cando a partir da última vogal tónica, coinciden todos ou algúns sons. A rima pode ser de dous tipos:

• Rima consonante: coinciden as vogais e as consoantes como en Rosa e fermosa.
• Rima asonante: coinciden soamente as vogais como en destino e vivo.

No poema pode haber un verso que non rime con ningún outro. Nese caso, dise que é un verso libre, solto ou branco.

O cómputo silábico

O cómputo silábico indica a cantidade de sílabas bun verso. Para medir os versos, hai que ter en conta estas regras:

• Se a última palabra é aguda, cóntase unha sílaba máis.
• Se a última palabra é esdrúxula, réstaselle      unha sílaba.
• Cando unha palabra acaba en vogal e a seguinte comeza por vogal, as dúas sílabas cóntanse como una soa. Isto chámase sinalefa.

Segundo o seu número de sílabas, os versos clasifícanse en dous grupos;

• Arte maior: versos de máis de oito sílabas.
• Arte menor: versos de oito sílabas ou menos.

Os tipos de estrofas

As estrofas pódense clasificar en diferentes tipos segundo o seu número de versos, o número de sílabas de cada verso e a rima:

• Pareado: dous versos que riman entre si con rima consonante ou asonante. Se os versos son de arte maior, o seu  esquema é AA; se son de arte menor, aa.

• Terceto: tres versos de arte maior que riman o primeiro co terceiro con rima consonante. O seu esquema é ABA.

• Cuarteto: catro versos endecasílabos (de once sílabas) con rima consonante; riman o primeiro verso co cuarto e o segundo co terceiro. O seu esquema é ABBA.