Descubrindo o Camiño de Santiago

Despois das vosas investigacións, sabedes  que a nosa galaxia A Vía Láctea tamén é coñecida por “ CAMIÑO DE SANTIAGO”, Camiño de estrelas, A escaleira de Santiago…

Desde a biblioteca propóñenos participar na PDI  “VIVE O CAMIÑO A SANTIAGO”

Este proxecto ábrenos unha infinidade de posibilidades de traballar ao longo do curso e aprender unha morea de cousas nas distintas áreas e os seus contidos.

Arrancamos coas lendas máis notables na nosa cultura que lle dan nome ao Camiño  de Santiago.

Unha identifica a Vía láctea co regueiro de leite da deusa Hera desparramada polo ceo cando se negou a amamantar a Hércules neno.

A outra ten que ver co Camiño de Santiago. Da cordo coa  tradición, un regueiro de estrelas axudou a localizar a tumba de Santiago, pero, foi no século XII cando se fixou a asociación entre a Vía Láctea e o Camiño de Santiago no Códice Calixtino, segundo o cal o Apostolo apareceuselle a Carlomagno sinalándolle a Vía Láctea como guía para chegar a Compostela.

QUE SABEMOS?              QUE QUEREMOS SABER?

Sabedes que é o Camiño de Santiago?

Hai un único Camiño?

Desde cando se percorre?

Por que se fai?

Que sabedes del?

Estas son algunhas das preguntas que vos fago, vós teredes que facer cantas consideredes e entre todos tentaremos descubrir as respostas.