Como se vivía nos reinos cristiáns?

Nas poboacións dos reinos cristiáns da nosa península viviase da agricultura e da gandería ovina, o comercio era moi, moi limitado.

Os reinos cristiáns do norte, a medida que ían avanzando cara o sur, víronse obrigados a repoboar os territorios tomados aos musulmáns. Esta repoboación beneficiou a diferentes grupos sociais.

Os reis aumentaban os territorios sobre os que exercían o seu poder e conseguían vasalos.

Os nobres recibían novas terras e aumentaban así o seu prestixio e as súas riquezas.

Os monxes fundaban mosteiros e predicaban o cristianismo nos novos territorios.

Os labregos que repoboaban un territorio conseguían terra propias que podían traballar.

Ademais de repoboar, era importante defender os territorios para evitar novas invasións.  Por iso, os cristiáns que se instalaron nas cidades musulmáns mantiveron o alcázar e as murallas como elementos defensivos.

Cando se formaron novas cidades, tamén se fortificaban con murallas e se construía un castelo. Nas pequenas poboacións  tamén se construíron  fortalezas.