O longo período medieval

Canto durou a Idade Media?

As invasións dos pobos xermánicos provocaron a caída do Imperio romano e o inicio da Idade Media en Europa. Estableceuse entre os séculos V e XV.

Para estudar mellor este longo período de dez séculos dividímolo en dúas etapas: A Alta Idade Media e Baixa Idade Media.

A Alta Idade Media

Esta etapa empezou no século V. O territorio europeo quedou organizado en reinos fundados polos pobos xermánicos.

Estes pobos vivían da agricultura e a gandaría. A sociedade estaba formada por uns poucos nobres, donos das terras, e unha maioría de labregos que traballaban nela. Esta organización social coñécese como sistema feudal.

O feudo

O feudo eran os bens que o rei outorgaba a un nobre( Os señores feudais). O feudo incluía terras de cultivo e pastoreo, os dereitos de explotación sobre elas e a poboación que as habitaba. Cada feudo compoñíase de varias partes:

Castelo: Vivenda do Señor Feudal

Terras comunais: Terras pertencentes a todo o feudo ( bosques e pastos para o gando)

Aldea: Vivenda dos campesiños

Mansos: Terras cedidas polo Señor aos campesiños

Reserva Señorial: Terra reservada para o Señor. A cultivan os servos.

Os campesiños para ter dereito aos mansos debían xurar fidelidade e axudar ao señor mentres este lles daba protección. O campesiño a cambio debía traballar as terras da reserva señorial uns días por semana e pagar imposto pola explotación dos mansos e o uso dos recursos do feudo ( muíños, madeira...)

Baixa Idade Media

Desde o século XII desenvolveuse o comercio e xurdiron grandes cidades, chamadas burgos. Nelas orixinouse un novo grupo social, a bueguesía, formada polos comerciantes e artesáns.

O burgo medieval organizábase arredor dunha igrexa ou catedral, e da plaza do mercado.

A finais deste período, os avances científicos e as exploracións impulsaron un gran desenvolvemento cultural e o descubrimento de América en 1492.
Este feito sinala o final de Idade Media.